«Պետական գնումների հանրային վերահսկողության և հաշվետվողականության խթանում»․ ենթադրամաշնորհների մեկնարկման արարողություն

Սույն թվականի մարտի 21-ին, ժամը 11:00-ին, Նալբանդյան 7/1 հասցեում («ԲՅՈՒՐՈ») տեղի կունենա «Իրազեկ քաղաքացիների միավորման»՝ լրատվամիջոցների և մարզային հասարակական կազմակերպությունների համար հայտարարված ենթադրամաշնորհների մեկնարկման արարողությունը։

Մրցույթը հայտարարվել էր «Պետական գնումների հանրային վերահսկողության և հաշվետվողականության խթանում» ծրագրի շրջանակներում, որը միտված է Հայաստանի Հանրապետությունում պետական գնումների համակարգի նկատմամբ հանրային վերահսկողության ուժեղացմանը և պետական գնումների թափանցիկության և հաշվետվողականության խթանմանը։

Ծրագիրն իրականացվում է Միացյալ Թագավորության միջազգային զարգացման աջակցության շրջանակում ՄԹ կառավարության ֆինանսավորմամբ։

Միջոցառումը բաց է լուսաբանման համար: