Նախագահի սահմանադրական կարգավիճակը խորհրդարանական հանրապետությունում • ՀԱՆՐԱՅԻՆ ՔՆՆԱՐԿՈՒՄ
December 26, 2022- 16:00
- «Էլիտ պլազա» բիզնես կենտրոն
- +374 11 355042
Երկուշաբթի օրը՝ դեկտեմբերի 26-ին, տեղի է ունենալու հանրային քննարկում «Նախագահի սահմանադրական կարգավիճակը խորհրդարանական հանրապետությունում» թեմայով:
Քննարկումը կազմակերպվում է Արևելյան գործընկերության քաղաքացիական հասարակության ֆորումի Հայաստանի ազգային պլատֆորմի և «Իրազեկ քաղաքացիների միավորման» կողմից՝ Հայաստանում սահմանադրական բարեփոխումներին ընդառաջ:
Հանրային քննարկումը տեղի է ունենալու ժամը 16:00-ին «Էլիտ պլազա» բիզնես կենտրոնի 2-րդ հարկում՝ «Մանթաշով» սրահ:
Քննարկման բանախոսն է Սահմանադրական բարեփոխումների խորհրդի անդամ Դանիել Իոաննիսյանը, քննարկման մոդերատորն է ԱլԳ ՔՀ Հայաստանի ազգային պլատֆորմի համակարգող Հովսեփ Խուրշուդյանը:
Նշենք, որ նոյեմբերի վերջին Սահմանադրական բարեփոխումների խորհրդի կողմից ընդունված որոշման համաձայն, նոր Սահմանադրությամբ Հայաստանի Հանրապետությունը շարունակելու է մնալ խորհրդարանական հանրապետություն: Միաժամանակ, «Իրազեկ քաղաքացիների միավորումը» և Հելսինկյան քաղաքացիական ասամբլեայի Վանաձորի գրասենյակը խորհրդին են ներկայացրել Նախագահի լիազորությունների և կարգավիճակի հետ կապված առաջարկներ, որոնց քննարկումը Սահմանադրական բարեփոխումների խորհրդում տեղի է ունենալու դեկտեմբերի 28-ին:
Միջոցառումը բաց է լուսաբանման համար: