Ապատեղեկատվություն և հիբրիդային սպառնալիքներ. ՔՆՆԱՐԿՈՒՄ ՀԱՊՀ-ում
April 8, 2026
- ՀԱՊՀ
- +374 11 355042
Ապրիլի 8-ին Հայաստանի ազգային պոլիտեխնիկական համալսարանի Երևանի մասնաճյուղում տեղի կունենա քննարկում ուսանողների հետ՝ «Իրազեկ քաղաքացիների միավորման» նախաձեռնությամբ։
Միջոցառումը կազմակերպվում է ուսանողների հետ քննարկումների շարքի շրջանակում՝ Ժողովրդավարության զարգացման հիմնադրամի աջակցությամբ՝ «Գործընկերություն հանուն ժողովրդավարության» նախաձեռնության ներքո։
Քննարկման ընթացքում կներկայացվեն ապատեղեկատվության և հիբրիդային սպառնալիքների հիմնական առանձնահատկությունները, դրանց գործիքակազմը և ազդեցությունը քաղաքական ու հասարակական գործընթացների վրա։ Բանախոսելու են «Հայկական խորհուրդ» ՀԿ-ի նախագահ Արեգ Քոչինյանը և փորձագետ Էդգար Վարդանյանը:
Հանդիպման երկրորդ հատվածում նախատեսվում է ինտերակտիվ խաղ-քննարկում, որի ընթացքում մասնակիցները, կիրառելով ստացված գիտելիքները, կմշակեն հիբրիդային սպառնալիքների սեփական սցենարները։
Նշենք, որ այս քննարկումը մեկն է ուսանողական հանդիպումների այն շարքից, որի նպատակն է բարձրացնել երիտասարդների իրազեկվածությունը ժամանակակից տեղեկատվական և քաղաքական մարտահրավերների վերաբերյալ։