REFORMS.AM • Պարզ ու մատչելի՝ բարեփոխումների մասին շնորհանդես-ասուլիս

June 2, 2021
- 11:00 - 13:00
- Մեդիա կենտրոն
- +374 11 355042
Հունիսի 2-ին՝ ժամը 11։00-ին, Մեդիա կենտրոնում տեղի կունենա Հայաստանում իրականացվող բարեփոխումների մասին Reforms.am կայքի շնորհանդես-ասուլիսը:
Բանախոսներ՝
— Ջոն Ալեյոն, ԱՄՆ ՄԶԳ/Հայաստան-ի (USAID Armenia) տնօրեն,
— Քրիստինե Գրիգորյան, ՀՀ Արդարադատության նախարարի առաջին տեղակալ
— Դանիել Իոաննիսյան, «Իրազեկ քաղաքացիների միավորում» ՀԿ-ի ծրագրերի համակարգող
Հայաստանի պետական կառավարման համակարգում փոփոխություններ ու բարեփոխումներ են կատարվում, սակայն երբեմն դժվար է կողմնորոշվել՝ կոնկրետ ինչն ու ինչպես է փոխվում, ով և երբ է դա իրականացնում:
Բարեփոխումներն ավելի հասկանալի դարձնելու համար «Իրազեկ քաղաքացիների միավորումը» պատրաստել է Reforms.am կայքը:
Եթե բարեփոխումների վերաբերյալ տեղեկությունները մինչ այս հանրությանը հասանելի էին միայն երկարաշունչ փաստաթղթերի, օրենքների ու նախագծերի տեսքով, ապա այժմ դրանք ներկայացված են դասակարգված ու համակարգված՝ համառոտ և մանրամասն տարբերակներով՝ շարադրված հակիրճ, պարզ ու հասկանալի լեզվով։
Կայքը պատրաստվել է ԱՄՆ դեսպանատան ֆինանսական աջակցությամբ։