Արտահերթ ընտրություններ. Ընտրական օրենսգրքի փոփոխության հրամայականը • ՀԱՆՐԱՅԻՆ ՔՆՆԱՐԿՈՒՄ

Հայաստանի քաղաքական ուժերը պատրաստվում են հունիսի 20-ին սպասվող արտահերթ խորհրդարանական ընտրություններին, սակայն քչերն են խոսում մինչ այդ Ընտրական օրենսգրքի փոփոխությունների ու լրացումների նախագծի ընդունման անհրաժեշտության մասին:

Ընտրական օրենսգրքի փոփոխությունների փաթեթի ընդունումը, որը գործող քաղաքական իշխանության հանձնառություններից է, հնարավորություն կտա քաղաքական ուժերին տանել քաղաքական և ոչ ռեսուրսային մրցապայքար՝ նվազեցնելով վարչական, մեդիա և ֆինանսական ռեսուրսներով անհավասար մրցակցությունը:

«Իրազեկ քաղաքացիների միավորում» ՀԿ-ն մարտի 20-ին` ժամը 12:00-ին, «Հիլթոն» հյուրանոցի «Միլանո» սրահում կազմակերպում է քննարկում Ընտրական օրենսգրքի փոփոխությունների և մինչև ընտրությունները դրանք ընդունելու անհրաժեշտության մասին՝ խորհրդարանական և արտախորհրդարանական ուժերի ներկայացուցիչների ներգրավմամբ:

Բանախոսներն են՝

ՀԵՐԻՔՆԱԶ ՏԻԳՐԱՆՅԱՆ, ԱԺ «Իմ քայլը» խմբակցության պատգամավոր

ԿԱՐԵՆ ՍԻՄՈՆՅԱՆ, ԱԺ «Լուսավոր Հայաստան» խմբակցության պատգամավոր

ԴԱՆԻԵԼ ԻՈԱՆՆԻՍՅԱՆ, «Իրազեկ քաղաքացիների միավորում» ՀԿ-ի ծրագրերի համակարգող

ԳՈՌ ՀԱԿՈԲՅԱՆ, «Քաղաքացու որոշում» ՍԴԿ գործադիր մարմնի անդամ

ՆՈՐԱՅՐ ՆՈՐԻԿՅԱՆ, «Արդար Հայաստան» կուսակցության նախագահ

ԱՐԱ ՊԱՊԻԿՅԱՆ, «Սասնա ծռեր» կուսակցություն

ԱՐՄԱՆ ԲԱԲԱՋԱՆՅԱՆ, «Հանուն հանրապետության» կուսակցության նախագահ (ենթակա է հաստատման)

ԱՐՄԵՆ ԽԱՉԱՏՐՅԱՆ, «Հայ ազգային կոնգրես» կուսակցություն (ենթակա է հաստատման)