Նոյեմբերի 29-ից դեկտեմբերի 1-ը Ծաղկաձորում կայացավ «Իրազեկ քաղաքացիների միավորման» կողմից կազմակերպված 2-օրյա դասընթացը՝ «Ինչպես կազմակերպել հաղորդակցություն» թեմայով։ Դասընթացը նախատեսված էր հայաստանյան հասարակական կազմակերպությունների ներկայացուցիչների համար։

Հաղորդակցության ոլորտի հրավիրյալ մասնագետները բանախոսությամբ հանդես եկան այնպիսի թեմաների շուրջ, ինչպիսիք են հայկական մեդիա դաշտի արդի առանձնահատկությունները, մեդիայի սպառումը Հայաստանում, հակաժողովրդական քարոզչությունն ու դրան դիմակայումը, հաղորդակցութունը ճգնաժամային իրավիճակներում, ինչպես նաև դասընթացի մասնակիցներին ներկայացրեցին գործնական հմտություններ լրատվամիջոցների հետ շփման, մամուլի հաղորդագրություններ պատրաստելու եւ սոցցանցերում աշխատելու ոլորտներում: