Օտարերկրյա հեռուստաալիքները և հայկական մուլտիպլեքսը • ՀԱՆՐԱՅԻՆ ՔՆՆԱՐԿՈՒՄ

  • Մարտի 14 - 29, 2024
  • 12։00
  • +374 11 355042

ՀՀ պետական թվային մուլտիպլեքսով օտարերկրյա հեռուստաալիքների հեռարձակման հնարավոր արգելքի մասին Հեռուստատեսության և ռադիոյի ազգային հանձնաժողովի նախագահ Տիգրան Հակոբյանի՝ այս տարվա հունվարի վերջին արած հայտարարությունը հանրային լայն արձագանք ստացավ:

Հայաստանը, ինչպես հայտարարել էր Հակոբյանը, գրեթե միակ երկիրն է, որը թույլ է տվել օտարերկրյա հեռարձակողներին մտնել պետական մուլտիպլեքս։ Պատճառները տարբեր են` քաղաքական, տեխնիկական, գաղափարական և լեզվային։

Պետական մուլտիպլեքսի բոլոր օտարերկրյա հեռուստաալիքների` CNN–ի, РТР–ի, Ռուսական առաջին ալիքի և Культура-ի հեռարձակումը հայերեն չէ։ Պետական մուլտիպլեքսով հեռարձակվում է նաև ԱՊՀ-ի պաշտոնական «Միռ» հեռուստաալիքը, որի ծախսերը մասնակիորեն ֆինանսավորում է նաև Հայաստանի կառավարությունը:

Օտարերկրյա հեռուստաալիքների պարագայում խնդիրներ են առաջանում նաև իրավաբանական հարթությունում, օրինակ՝ օրենսդրական խախտումների հայտնաբերման դեպքում։

Այժմ ՀՀ պետական մուլտիպլեքսով օտարերկրյա հեռուստաալիքների հեռարձակման դադարեցման մասին որոշում չկա. միայն հայտարարություններ են:

Այս խնդրին համակողմանիորեն կանդրադառնանք մարտի 14-ին՝ ժամը 12:00-ին, «ՕՊԵՐԱ ՍՅՈՒԹ» հյուրանոցի «Մոցարտ» սրահում «Իրազեկ քաղաքացիների միավորում» ՀԿ-ի կազմակերպած հանրային քննարկման ժամանակ:

Բանախոսներն են՝

ՏԻԳՐԱՆ ՀԱԿՈԲՅԱՆ, Հեռուստատեսության և ռադիոյի հանձնաժողովի նախագահ

ՆԱԻՐԱ ԶՈՀՐԱԲՅԱՆ, ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ

ԱՐԹՈՒՐ ՀՈՎՀԱՆՆԻՍՅԱՆ, ԱԺ «Իմ քայլը» խմբակցության անդամ, պատգամավոր

ԲՈՐԻՍ ՆԱՎԱՍԱՐԴՅԱՆ, Երևանի մամուլի ակումբի ղեկավար

ԿԻՍՎԵԼ[addtoany]