«Հաշվի առնելով ներկա ծանրագույն վիճակը և խուսափելու համար հետագա մարդկային մեծաքանակ կորուստներից և Արցախն ամբողջությամբ կորցնելուց՝ ես տվել եմ իմ համաձայնությունը ժամ առաջ դադարեցնելու պատերազմը». Արայիկ Հարությունյան

Նիկոլ Փաշինյանն ուղիղ եթերով դիմում է ժողովրդին:

Իլհամ Ալիևն ուղերձով է հանդես գալիս՝ նշելով, որ հայտարարությունը համապատասխանում է թե հայ, թե ադրբեջանցի ժողովուրդների շահերին: «Մենք ապացուցեցինք, որ հակամարտությունն ունի ռազմական լուծում»,- ասում է նա:

«Մենք դիրք, հող, տուն, հայրենիք, ապագա չունենք զիջելու ոչ թշնամուն, ոչ էլ այս պահին ակտիվացած դավաճաններին». ՀՀ վարչապետի տիկին Աննա Հակոբյան

«Մամուլից տեղեկացա, որ Ռուսաստանի և Ադրբեջանի նախագահների հետ ստորագրվել է ղարաբաղյան պատերազմը դադարեցնելու մասին հայտարարություն։ Փաստաթղթի վերաբերյալ ինձ հետ որևէ խորհրդակցություն կամ քննարկում, ցավոք, չի եղել». ՀՀ նախագահ Արմեն Սարգսյան։

ՌԴ ԱԳ նախարար Սերգեյ Լավրովը հեռախոսազրույց է ունենում Թուրքիայի իր պաշտոնակից Մևլութ Չավուշօղլուի հետ, որի ընթացքում Անկարան աջակցում է Լեռնային Ղարաբաղի վերաբերյալ ընդունված եռակողմ հայտարարությանը։ 

«Հուսով եմ, որ վերջերս մեր ձեռնարկած բոլոր քայլերը կհանգեցնեն երկարաժամկետ խաղաղության հաստատմանը` ի շահ Ադրբեջանի և Հայաստանի ժողովուրդների». Վլադիմիր Պուտին

Կովկասում նոր դարաշրջան է սկսվում, շնորհավորում եմ մեր բարեկամներ հայերին ու ադրբեջանցիներին ողբերգական պատերազմի ավարտի կապակցությամբ. Վրաստանի նախագահ

Ալիևը և Էրդողանը հեռախոսազրույցի ընթացքում բարձր են գնահատում հրադադարի ռեժիմը դիտարկելու համար թուրք-ռուսական խաղաղապահ կենտրոնի ստեղծումը: 

ԵՄ-ն ողջունում է ԼՂ-ում ռազմական գործողությունների դադարեցումը:

«Ստեղծված ճգնաժամային իրավիճակից առանց նոր կորուստների դուրս գալու հրամայականը քաղաքացիական պատերազմի վտանգից խուսափումն ու ներքաղաքական հակասությունների հաղթահարումն է բացառապես սահմանադրական ճանապարհով». ՀՀ առաջին նախագահ Լևոն Տեր-Պետրոսյան

«Պահանջում ենք ՀՀ քաղաքական իշխանությունից, սեփական իշխանությունը պահելու նպատակով և սխալները ուրիշի վրա բարդելու փոխարեն, անհապաղ դադարեցնել ժողովրդի միասնականությունը խաթարող ցանկացած գործողություն, զերծ մնալ երկրում ներքին թշնամու փնտրտուքներից։ Պահանջում ենք ԱՀ նախագահի հրաժարականը, որին պետք է հետևի ճգնաժամային կառավարման արդյունավետ և համարժեք մարմինների ստեղծումը». ԱՀ ԱԺ 4 կուսակցությունների հայտարարությունը

Թուրքական կողմի նախաձեռնությամբ Վլադիմիր Պուտինը հեռախոսազրույց է ունենում Ռեջեփ Թայիփ Էրդողանի հետ: Պայմանավորվածություն է ձեռք բերվում հետագա սերտ համագործակցության մասին` հայտարարությամբ նախատեսված միջոցառումների համալիր իրականացման համատեքստում։

Իլհամ Ալիևը հատուկ հեռուստաուղերձով հայտնում է Շուշիի գրավման մասին:

ՄԱԿ-ի գլխավոր քարտուղարը կոչ է անում ՀՀ-ին ու Ադրբեջանին առավել սերտ համագործակցել ԵԱՀԿ ՄԽ հետ՝ ԼՂ խնդրի խաղաղ կարգավորումը գտնելու համար։

«Մարտական գործողություններին զուգահեռ՝ թշնամական ուժերը շարունակել են թիրախավորել խաղաղ բնակավայրերը՝ մասնավորապես, հրթիռահրետանային հարվածներ հասցնելով Մարտունի, Շուշի քաղաքներին և Քարին տակ գյուղին». ՀՀ ՊՆ

Բաքու է մեկնում Թուրքիայի արտաքին գործերի նախարար Մևլութ Չավուշօղլուն, որպեսզի «վերահաստատի աջակցությունն Ադրբեջանին»:

«Գրեթե վստահ ենք, որ ահաբեկիչները մասնակցել են բախումներին». Իրանի ԱԳ նախարար

Թուրքիայի պաշտոնյաները շնորհավորում են Ադրբեջանի իշխանություններին Շուշին «հայկական օկուպացիայից ազատագրելու» համար:

Ադրբեջանը հրետանային միջոցներից կրակ է վարում ՀՀ ԶՈՒ մարտական դիրքերի և Դավիթ Բեկ բնակավայրի ուղղությամբ, ինչի հետևանքով մեկ քաղաքացիական անձ զոհվում է, ևս երկուսը՝ վիրավորվում:

Վլադիմիր Պուտինը նոյեմբերի 1-ին և 2-ին հեռախոսազրույցներ է ունենում համապատասխանաբար՝ ՀՀ վարչապետի և Ադրբեջանի նախագահի հետ:

«Ղարաբաղյան հակամարտության սրացման ընթացքում հնարավոր է եղել են ռազմական հանցագործություններ». ՄԱԿ

Օրվա ընթացքում Ադրբեջանը ռազմական ավիացիա է կիրառում Մարտունի քաղաքի ուղղությամբ, հրետակոծում Շուշի քաղաքը։ Իսկ Շահումյանի շրջանում կիրառվում է РСЗО տեսակի հրթիռ։

Իրանի հոգևոր առաջնորդ այաթոլլա Սեյեդ Ալի Խամենեին առաջին անգամ անդրադառնում է ԼՂ հակամարտության սրմանը: Նա հայտարարում է, որ Ադրբեջանին պատկանող տարածքները պետք է ազատագրվեն, իսկ հայ քաղաքացիների անվտանգությունը պետք է երաշխավորված լինի: Սակայն նա նաև ընդգծում է, որ ահաբեկիչները երբեք չպետք է մտածեն իրանական սահմաններին մոտենալու մասին, քանի որ եթե նրանք դա անեն, ապա խստորեն կպատժվեն:

ՊԲ ստորաբաժանումների կողմից թշնամական դիվերսիոն խմբերի հավանական ներթափանցման ուղղություններում ընթանում են որոնողական գործողություններ Շուշի-Բերձոր ճանապարհի որոշ հատվածներ միայն քաղաքացիական բնակչության համար ժամանակավորապես փակ են:

Վլադիմիր Պուտինը Բելառուսի նախագահ Ալեքսանդր Լուկաշենկոյի հետ հեռախոսազրույցում, ի թիվս այլ հարցերի, քննարկում է ԼՂ շուրջ ստեղված իրավիճակը: 

Կանադայի վարչապետը և Ֆրանսիայի նախագահը քննարկում են իրավիճակը ԼՂ-ում:

Վլադիմիր Պուտինը քննարկում է ռազմական գործողությունները ԱԽ նիստի ընթացքում: 

«Ռուսաստանը մի շարք երկրներից տեղեկություն է ստանում, որ Հարավայի Կովկաս գրոհայիններ են տեղափոխվում». ՌԴ արտաքին հետախուզության տնօրեն։

«Բարգավաճ Հայաստան» և «Լուսավոր Հայաստան» խմբակցությունների ղեկավարներ դիմում են վարչապետին` խորհրդարանական ընդդիմադիր խմբակցությունների հետ անհապաղ հանդիպման պահանջով։

Ադրբեջանական բանակն առաջին տեսանյութն է հրապարակում Շուշիից:

«Պատերազմական գործողությունները հանրապետության ամբողջ ճակատով շարունակվում են: ՊԲ-ն և աշխարհազորն ամուր կանգնած են Հայրենի հողի վրա, և թշնամու դեմ մեր պայքարը վարելու ենք մինչև վերջ». Արայիկ Հարությունյան։

«Արցախի Հանրապետության Շուշի քաղաքի ուղղությամբ ներկայումս մարտեր են ընթանում։ Շուշին եղել է և կլինի հայկական։ Բեկում մտցնելու ժամանակն է». ԱՀ ԱԳ նախարար Մասիս Մայիլյան

«Մեր երկիրը չի պաշտպանում ԼՂ ճգնաժամի լուծման ուժային ճանապարհը, և մենք հենց ձգտում ենք ու կողմերին կոչ ենք անում անհապաղ դադարեցնել ռազմական գործողությունները». ՌԴ ԱԳՆ ներկայացուցիչ Մարիա Զախարովա

«Հայտնում ենք մեր լուրջ մտահոգությունը տեղի ունեցած միջադեպի կապակցությամբ, հայտնում ենք մեր ցավակցությունը զոհվածների հարազատներին ու մտերիմներին: Սպասենք հետաքննության արդյունքներին, որտեղից է արձակվել կրակոցը». ՀԱՊԿ մամուլի քարտուղար Վլադիմիր Զայնետդինով

Շուշին պարբերաբար ենթարկվում է հրթիռակոծության։

Ստեփանակերտը հրթիռակոծվում է «Գրադի» և «Սմերչի» կայանքներից։

«Անմիջապես Շուշիի մերձակայքում ծանր մարտերը շարունակվում են». Արծրուն Հովհանիսյան

ՊԲ-ն հայտնում է Ստեփանակերտի հարակից բնակավայրերում դիվերսիոն խմբերի ոչնչացման ուղղությամբ գործողությունների մասին:

Ժնևում տեղի է ունենում Զոհրաբ Մնացականյանի հանդիպումը Ադրբեջանի ԱԳ նախարար Ջեյհուն Բայրամովի հետ: Հանդիպման ընթացքում կողմերը վերահաստատում են բացառապես ՄԽ համանախագահության շրջանակներում խաղաղ կարգավորմանն ուղղված գործընթացի շարունակականությունը։

Վարչապետը համաձայնում է, որ Տեր-Պետրոսյանն ու Ռոբերտ Քոչարյանը մեկնեն Մոսկվա` քննարկելու իրավիճակը ԼՂ-ում

Արցախ են այցելում Բելգիայի խորհրդարանի մի քանի անդամներ:

Ռոբերտ Քոչարյանը վարակվում է կորոնավիրուսով, և նրա այցը Մոսկվա չեղարկվում է:

«Ադրբեջանն օգտագործում է սպիտակ ֆոսֆոր պարունակող զենք». ՀՀ ՄԻՊ

Ռազմական գործողությունների արդյունքում վիրավորվում է ՊԲ հրամանատար Ջալալ Հարությունյանը: Նրան այդ պաշտոնում փոխարինում է Միքայել Արզումանյանը:

Իրանը հակամարտող կողմերին նախազգուշացնում է հրետանային հարվածներ չհասցնել իրանական ջրամբարներին ու էլեկտրակայաններին

ՌԴ և Թուրքիայի արտգործնախարարները հեռախոսազրույց են ունենում:

Նիկոլ Փաշինյանը կառավարությունում հանդիպում է Գարեգին Բ կաթողիկոսի հետ:

ՀՀ ԱԳ նախարարն ընդունում է ՀՀ-ում գտնվող Ֆրանսիայի ԱԺ պատգամավորների գլխավորած պատվիրակությանը:

Թուրքական կողմի նախաձեռնությամբ Վլադիմիր Պուտինը հեռախոսազրույց է ունենում Թուրքիայի նախագահ Ռեջեփ Թայիփ Էրդողանի հետ։ 

«Նիկոլ Փաշինյանը հանդես է գալիս հեռուստաուղերձով: Մեր հնարավորություններն անսահմանափակ չեն, բայց Արցախի ՊԲ-ն ունի բավարար չափով զենք և պոտենցիալ՝ իր առաջ դրված խնդիրները լուծելու համար»,- ասում է նա:

Իրանի փոխարտգործնախարար Աբաս Արաքչին մեկնում է Բաքու: 

Ադրբեջանը հայտնում է Բարդա քաղաքի հրետակոծության մասին: Հայկական կողմը հերքում է, որ ՀՀ զինված ուժերը «Սմերչով» հարվածել են Բարդային: 

ՀՀ ԱԳ նախարարը հեռախոսազրույց է ունենում Միացյալ Թագավորության Եվրոպական հարևանության և Ամերիկայի հարցերով մշտական քարտուղարի հետ: 

«Բաքվի անվստահելի և խաբող ռազմաքաղաքական ռեժիմը շարունակում է ագրեսիան Արցախի դեմ». Զոհրաբ Մնացականյան

ԵՄ-ն անընդունելի է համարում ՌԴ, Ֆրանսիայի և ԱՄՆ միջնորդությամբ հրադադարի մասին երեք համաձայնություններից հետո ԼՂ-ում և դրա շուրջ ռազմական գործողությունների շարունակումը։ ԵՄ-ն հակամարտող կողմերին հիշեցնում է քաղաքացիական բնակչությանը պաշտպանելու պարտավորության մասին՝ միջազգային հումանիտար իրավունքին համապատասխան։

«Սմերչ» համալիրներից հրթիռակոծության են ենթարկվում Ստեփանակերտ, Շուշի և Մարտակերտ քաղաքները:

«Մենք խորապես մտահոգված ենք շարունակվող ռազմական գործողություններով, ռազմական բախումներում Մերձավոր Արևելքից օտարերկրացի վարձկանների ավելի ու ավելի մասշտաբային ներգրավմամբ». ՌԴ ԱԳՆ պաշտոնական ներկայացուցիչ

Ադրբեջանի և Թուրքիայի նախագահները հեռախոսով քննարկում են Լեռնային Ղարաբաղում ստեղծված կացությունը։ Էրդողանը վստահեցնում է Ալիևին, որ Թուրքիան շարունակում է մնալ Ադրբեջանի կողքին։

Զոհրաբ Մնացականյանն ընդունում է Իրանի փոխարտգործնախարար Աբբաս Արաղչիին:

«Մենք կոչ ենք անում բոլոր արտաքին կողմերին ձեռնպահ մնալ միջամտությունից և միանալ ԱՄՆ-ին՝ ՄԽ համանախագահների աջակցությամբ բանակցություններին վերադառնալու իրենց ձգտման մեջ». ԱՄՆ նախագահի ազգային անվտանգության հարցերով խորհրդականը` Նիկոլ Փաշինյանի հետ հեռախոսազրույցի ընթացքում։

Վարչապետ Նիկոլ Փաշինյանը նամակ է հղում ՌԴ նախագահ Վլադիմիր Պուտինին:

Իրանի փոխարտգործնախարար Աբբաս Արաղչին մեկնում է Թուրքիա, որտեղ ներկայացնում է ԼՂ հակամարտության կարգավորման իրանական նախաձեռնությունը:

Օրվա ընթացքում թիրախավորվում են Ստեփանակերտը, Մարտունին, Մարտակերտը, Շուշին և այլ բնակավայրեր:

«Այսօր այցելել եմ Շուշի, հանդիպել քաղաքի պաշտպանների հետ, տեղում քննարկել թշնամու բազմաքանակ ուժերի դեմ մեր պայքարի ռազմավարությունը». Արայիկ Հարությունյան  

«Ինչու նրանք, որոնք համառորեն խոսում են Թուրքիայի կողմից մեզ ռազմական աջակցություն ցուցաբերելու մասին, չեն խոսում միջնորդի, ՄԽ համանախագահի, ՌԴ կողմից Հայաստանին ռազմական օգնություն ցուցաբերելու մասին». Իլհամ Ալիև

ՌԴ ԱԳ նախարարը և Գերմանիայի ԱԳ նախարարը հեռախոսազրույցի ընթացքում մտքեր են փոխանակում ԼՂ հակամարտության վերաբերյալ:

«Տեղի և միջազգային 80 լրագրողներ Ստեփանակերտում հայտնվել են թակարդում: Լրագրողներն առանց իրենց կյանքը վտանգելու չեն կարող Հայաստան հասնել՝ Ադրբեջանի ԶՈՒ-երի կողմից արձակված կրակի պատճառով». «Լրագրողներ առանց սահմանների»։

ՄԱԿ ԱԽ-ն քննարկում է ԼՂ հակամարտության գոտում կրակի դադարեցման ռեժիմի նկատմամբ վերահսկողության ապահովման անհրաժեշտությունը:

«Առավել ծանր մարտերն ընթանում են Քաշաթաղի շրջանի Իշխանաձոր, Կովսական և Միջնավան համայնքների տարածքներում». Արայիկ Հարությունյան

Իլհամ Ալիևը հայտնում է Զանգելանի (Կովսական) գրավման մասին

«Բակո Սահակյանը և Արկադի Ղուկասյանը ինձ հետ հանդիպման ժամանակ ասացին, որ համաձայն չեն առանց Արցախի կարգավիճակի ճշգրտման կամ ճշգրտման մեխանիզմի որևէ համաձայնության գալուն: Ըստ էության՝ ասացին նաև Ռ. Քոչարյանի, Ս. Սարգսյանի և Լ. Տեր-Պետրոսյանի անունից: Բայց այս ամենը կարևոր չէր, որովհետև ես էի կայացրել որոշումը և պատրաստվում էի այն տանել մինչև վերջ»: (Նիկոլ Փաշինյան, նոյեմբերի 29, 2020 թվական)

«Հակառակորդը հարավային ուղղությամբ՝ Խուդաֆերինի ջրամբար, մեծ կորուստներ կրելով նահանջում է։ Զգուշացրել էինք՝ դժոխք եք մուտք գործում». ՀՀ ՊՆ խոսնակ

«Նահանջը պարտություն չէ». Արծրուն Հովհաննիսյան

ՀՀ երկրորդ նախագահ Ռոբերտ Քոչարյանը հանդիպումներ է ունենում Արցախի պաշտոնաթող նախագահների հետ՝ վերջիններիս նախաձեռնությամբ։ Տեղի է ունենում հանդիպում նաև Սերժ Սարգսյանի մասնակցությամբ։

«Իմ իրավահաջորդը չգնաց այն ճանապարհով, որով մենք հաջողությամբ ընթանում էինք երկար ժամանակ և որոշեց, ինչպես ինքն է արտահայտվել, բանակցությունները սկսել սեփական կետից». Սերժ Սարգսյան

Նախագահ Արմեն Սարգսյանն աշխատանքային այցով մեկնում է Բրյուսել: 

ԱՀԿ-ն քիչ հավանական է համարում, որ ռազմական գործողությունների հետևանքով զոհվածների մարմինները մարտի դաշտում թողնելը հիվանդությունների բռնկման պատճառ դառնա:

«Բայց անսպասելիորեն ինձ համար հայաստանյան գործընկերների դիրքորոշումը ձևակերպվեց այնպես, որ դա իրենց համար անընդունելի է։ Փաշինյանն ուղիղ ասաց, որ դրանում Հայաստանի ու Ղարաբաղի շահերի համար սպառնալիք է տեսնում»․ (Վլադիմիր Պուտին, նոյեմբերի 17, 2020 թվական)։

2020 թ․ դեկտեմբերի 31-ից վեց ամսով արգելք է դրվում թուրքական ծագում ունեցող վերջնական սպառման ապրանքների ներմուծման վրա:

«Լեռնային Ղարաբաղում բռնությունը պետք է դադարեցվի». ԵԽ նախագահ Շառլ Միշել

«Մենք խորապես մտահոգված ենք կրակի դադարեցման ռեժիմի խախտումներով, որոնք հանգեցնում են նոր զոհերի». ՆԱՏՕ գլխավոր քարտուղար

Մարտունու և Մարտակերտի շրջանները դարձյալ հայտնվում են ադրբեջանական ագրեսիայի թիրախում:

«Երրորդ երկրների, այդ թվում՝ Թուրքիայի մասնակցությունը ԼՂ կարգավորման գոյություն ունեցող ձևաչափերում ամբողջությամբ և լիովին կախված է հակամարտող կողմերի քաղաքական կամքից». Դմիտրի Պեսկով

«ՌԴ ռազմական փորձագետները վերահսկողության տակ են պահում ԼՂ հակամարտության գոտում ռազմական գործողություններին մասնակցող օտարերկրացի ահաբեկիչների առկայության փաստը». Մարիա Զախարովա

Էրդողանը հեռախոսազրույց է ունենում Իրանի նախագահ Հասան Ռոհանիի հետ:

«Մենք թույլ չենք տա հայկական երկրորդ հանրապետության ստեղծումը մեր տարածքում: Այդ մասին խոսք անգամ չի կարող լինել: Կարճ ասած՝ հանրաքվե չի լինելու». Իլհամ Ալիև

Human Rights Watch-ը զեկույց է հրապարակում՝ նշելով, որ Ադրբեջանը կասետային զինամթերք է օգտագործել բնակեցված վայրերում:

«Անկարան և Մոսկվան նույն իրավունքներն ունեն Ղարաբաղի կարգավորման հարցում». Էրդողան

Ադրբեջանը ռմբակոծում է Մարտակերտը, հարվածներ են հասցվել Քարեգահ-Բերձոր ճանապարհահատվածին:

Զոհրաբ Մնացականյանն ԱՄՆ պետքարտուղարի հետ հանդիպման ժամանակ ընդգծում է, որ ադրբեջանական կողմի ագրեսիան տեղի է ունենում Թուրքիայի ներգրավմամբ։

Զոհրաբ Մնացականյանը հեռախոսազրույց է ունենում Շվեյցարիայի արտաքին հարաբերությունների դաշնային դեպարտամենտի ղեկավար Իգնազիո Կասսիսի հետ:

ԱՄՆ պետքարտուղարը ՀՀ-ին և Ադրբեջանին կոչ է անում ԼՂ հակամարտության շուրջ բանակցել ըստ էության։

Զոհրաբ Մնացականյանը հանդիպում է նաև ԵԱՀԿ ՄԽ համանախագահների և ԵԱՀԿ գործող նախագահի անձնական ներկայացուցչի հետ: 

ԱՄՆ նախագահի ազգային անվտանգության հարցերով խորհրդականն Ադրբեջանի ԱԳ նախարարի հետ հանդիպմանը կոչ է անում թույլ չտալ արտաքին դերակատարների ներգրավվածությամբ իրավիճակի հետագա ապակայունացում։

Հրթիռակոծվում են Ստեփանակերտը, Մարտակերտը, Մարտունին և մի շարք այլ բնակավայրեր Արցախում:

Թուրքիայի նախագահը հեռախոսազրույց է ունենում Իլհամ Ալիևի հետ:

«Մենք այսօր պատրաստ ենք համաձայնության գալ հրադադարի հարցում, բայց  Հայաստանը, նրա վարչապետը պետք է հայտարարեն, որ հավատարիմ են ԱՄՆ-ի, Ռուսաստանի և Ֆրանսիայի համատեղ մշակած սկզբունքներին». Իլհամ Ալիև

ԵԱՀԿ-ում տարածվում է Արցախի ԱԳՆ հայտարարությունը՝ Ադրբեջանի և Թուրքիայի՝ ռազմական գործողությունները դադարեցնելուն ուղղված խաղաղ նախաձեռնությունները խափանելու նպատակային գործողությունների վերաբերյալ:

«Ախր դու չգիտես, թե ում հետ ես խաղի մեջ մտել: Մի՛ ուշացրու, սահմանի՛ր քո պատժամիջոցները, տեսնենք». Ռեջեփ Թայիփ Էրդողանը՝ ԱՄՆ-ին

Հետկեսօրին ադրբեջանական ուժերի կողմից հրետակոծության են ենթարկում Ասկերանի շրջանի Ավետարանոց, Սղնախ և Մոշխմհատ գյուղերը։

Իլհամ Ալիևը հայտնում է Կուբաթլուի (Որոտան) գրավման մասին

ԱՄՆ-Հայաստան-Ադրբեջան նոր համատեղ հայտարարություն է տարածվում: Կողմերը համաձայնվում են հումանիտար հրադադարի շուրջ, որը պետք է ուժի մեջ մտնի 2020 թ. հոկտեմբերի 26-ին, տեղական ժամանակով 08:00-ին

Կողմերը համաձայնության են գալիս հանդիպելու հոկտեմբերի 29-ին Ժնևում: 

Հրադադարն այս անգամ էլ չի գործում: Երկու կողմի ՊՆ խոսնակները հայտնում են հրադադարի ռեժիմը խախտելու մասին:

Մոսկվան կոչ է անում Թուրքիային նպաստել ԼՂ-ում հրադադարի հաստատմանը:

Ադրբեջանը գրադի և սմերչի կայանքներից հրթիռակոծում է Մարտունու շրջանը` ներառյալ քաղաքը, Մարտակերտը, ինչպես նաև Ասկերանի գյուղերը։ 

Արծրուն Հովհաննիսյանը հաստատում է, որ Ադրբեջանը գրավել է Կուբաթլուն:

«Հրադադարը պահպանվում է». Դոնալդ Թրամփ

Ադրբեջանի մեծությամբ երկրորդ քաղաք Գյանջայում 3 պայթյուն է հնչում:

«Ի պատասխան ադրբեջանական ռազմաքաղաքական ղեկավարության հայտարարությունների՝ Հայաստանի Հանրապետության տարածքից կամ ՀՀ ԶՈՒ կողմից որևէ տիպի կրակ չի վարվել Ադրբեջանի ուղղությամբ». Շուշան Ստեփանյան

«Երևանը դրական է արձագանքում ՌԴ-ի նախաձեռնությանն ու Մոսկվա է ուղարկել ՊՆ ներկայացուցիչներին ադրբեջանական կողմի հետ հանդիպելու համար: Սակայն, մեր տեղեկություններով, Բաքուն չի ուղարկել իր ներկայացուցիչներին». վարչապետի մամուլի խոսնակ Մանե Գևորգյան

Արցախի ՊԲ-ն հրապարակում է Ադրբեջանի Գյանջա քաղաքում տեղակայված լեգիտիմ ռազմական նշանակետերի ցանկը: 

Թուրքիայի նախագահը Կանադայի վարչապետի հետ հեռախոսազրույցի ընթացքում հայտարարում է, որ Թուրքիային սպառազինության որոշ տեսակների մատակարարումը դադարեցնելու որոշումը հակասում է դաշնակցային հարաբերությունների ոգուն:

Հայաստանի արտախորհրդարանական 13 քաղաքական ուժեր պահանջում են կառավարությունից հրատապ կարգով ստեղծել ռազմաքաղաքական հարցերի օպերատիվ կառավարման շտաբ:

«Մինսկի խմբի անդամներին կոչ եմ անում ջանքեր գործադրել Հայաստանի ու Ադրբեջանի միջև կրակը դադարեցնելու համար: Պետք է դադարեցվեն քաղաքացիական բնակչության շրջանների վրա հարձակումները: Մենք պետք է անենք ավելին՝ պատերազմը կանգնեցնելու համար». Կարո Փայլան

Ռուսաստանի արտաքին գործերի նախարար Սերգեյ Լավրովը հեռախոսազրույց է ունենում Հայաստանի և Ադրբեջանի արտգործնախարարների հետ։

«Երկու կողմերը պետք է այս զինադադարը պահպանեն խստորեն և առանց նախապայմանների: Ֆրանսիան հետևելու է մեծ ուշադրությամբ և շարունակելու է ներգրավված մնալ». Էմանուել Մակրոն

«Մենք բարձր ենք գնահատում ԵԱՀԿ ՄԽ համանախագահների ջանքերը և Ֆրանսիայի նախագահի անմիջական ներգրավվածությունը հոկտեմբերի 17-ի մարդասիրական զինադադարի համաձայնությունը ձեռք բերելու գործում». ՀՀ ԱԳՆ խոսնակ

«Ժամը 07:20-ին, հրետանային ակտիվ կրակից հետո հակառակորդը բարենպաստ դիրքեր գրավելու նպատակով հարձակում է ձեռնարկել հարավային ուղղությամբ (Խուդաֆերինի ջրամբար)». ՀՀ ՊՆ խոսնակ

«ԵՄ-ն մինչ օրս չի կարողացել հստակ և միանշանակորեն արձագանքել պատերազմի հանցագործություններին, որոնք իրականացվել են Ադրբեջանի կողմից Թուրքիայի անմիջական մասնակցությամբ։ Հայաստանը դատապարտելի է համարում այս միակողմանի և կողմնակալ հայտարարությունը». ՀՀ ԱԳՆ խոսնակ Աննա Նաղդալյանը ԵՄ-ի՝ Գյանջայի հրետակոծությունը դատապարտող հայտարարության մասին։

ՄԱԿ գլխավոր քարտուղարը խորապես ցավում է, որ մշտապես անտեսվում են միջազգային հանրության բազմաթիվ կոչերը՝ անհապաղ դադարեցնելու ռազմական գործողությունները: 

Հայաստանի և Ֆրանսիայի ԱԳ նախարարների հեռախոսազրույցի ընթացքում Մնացականյանը բարձր է գնահատում Ֆրանսիայի և նախագահ Մակրոնի անձնական ներդրումը զինադադարի շուրջ պայմանավորվածության ձեռքբերման գործում:

«Կարող էինք խուսափել այս պատերազմից, եթե հանձնեինք տարածքները և համաձայնեինք Ղարաբաղի անորոշ կարգավիճակին, անորոշ ժամանակով, հետագա կարգավիճակի ճշգրտման մեխանիզմի բացակայության պայմաններում». Փաշինյան

«Սա կրակի դադարեցման վերաբերյալ երկրորդ պայմանավորվածությունն է, որն Ադրբեջանը չի ցանկանում կամ չի կարողանում կյանքի կոչել՝ միաժամանակ մոլորեցնելով միջազգային հանրությանը և առաջին հերթին՝ ԵԱՀԿ Մինսկի խմբի համանախագահ երկրներին». ՀՀ ԱԳՆ

Լոս Անջելեսից դեպի Հայաստան է ուղևորվել ամերիկահայերի հավաքած մարդասիրական բեռը տեղափոխող «Քաթար էյրվեյզի» ինքնաթիռը:

Նիկոլ Փաշինյանի` նոյեմբերի 29-ին արած գրառման համաձայն՝ Արցախի նախագահը զանգում է վարչապետին և ասում, որ պատերազմը պետք է կանգնեցվի:

«Հոկտեմբերի 19-20-ին եղավ հեռախոսազրույցների շարք նախագահ Ալիևի և վարչապետ Փաշինյանի հետ։ Այն ժամանակ Ադրբեջանի զինված ուժերն իրենց վերահսկողության տակ էին վերցրել Ղարաբաղի հարավային հատվածից աննշան հատված։ Ընդհանուր առմամբ, ինձ հաջողվեց համոզել Ալիևին, որ հնարավոր է դադարեցնել ռազմական գործողությունները, բայց նրա կողմից պարտադիր պայման էր փախստականների վերադարձը, այդ թվում՝ քաղաք Շուշի»: (Վլադիմիր Պուտին, նոյեմբերի 17, 2020 թվական)։ 

«Վիճահարույց տարածքներում մարդիկ պետք է օգտվեն միևնույն իրավունքներից, ժողովրդավարությունից ու օրենքի գերակայությունից, ինչպես Եվրոպայի ցանկացած բնակիչ». ԵԽ գլխավոր քարտուղար

Նիկոլ Փաշինյանի գլխավորությամբ կառավարությունում տեղի է ունենում ԱԽ արտահերթ նիստ: Բացի ԱԽ անդամներից, նիստին մասնակցում են նաև ՀՀ նախագահ Արմեն Սարգսյանը, Գարեգին Բ կաթողիկոսը, ԱԺ «Իմ քայլը» խմբակցության ղեկավար Լիլիթ Մակունցը, մյուս խմբակցությունների ներկայացուցիչներ։

«Եվ մենք հավատարիմ ենք սկզբունքներին, որոնց մասին ես ասել եմ։ Դա հայկական կողմի գրաված տարածքների վերադարձն է, բանակցությունները՝ ԼՂ ապագայի վերաբերյալ, փախստականների և ստիպված տեղահանված անձանց վերադարձը իրենց ծագման վայրեր, այդ թվում՝ Լեռնային Ղարաբաղ, Շուշի». Իլհամ Ալիև

Ադրբեջանը հայտնում է, որ հայկական կողմը կրակի տակ է պահում իր սահմանամերձ շրջանները, հայկական կողմը հերքում է:

ՌԴ պաշտոնական այցի շրջանակներում ԱԳ նախարար Զոհրաբ Մնացականյանը հանդիպում է ԵԱՀԿ ՄԽ համանախագահների և ԵԱՀԿ գործող նախագահի անձնական ներկայացուցչի հետ:

Իրանի Արդաբիլ նահանգի Ուզուն Թափեհ գյուղի ցանքատարածքներում ԱԹՍ է վթարի ենթարկվում։

ՀՀ ՊՆ պաշտպանական քաղաքականության և միջազգային համագործակցության գլխավոր վարչության պետ Լևոն Այվազյանը հանդիպում է ՀՀ-ում Իրանի դեսպանության ռազմական կցորդ, գնդապետ Բահման Սադեղինին։  

«Միացյալ Նահանգները կոչ է անում Ադրբեջանին և Հայաստանին կատարել հրադադարի իրենց հանձնառությունը և դադարեցնել քաղաքացիական տարածքների թիրախավորումը, ինչպիսին Գյանջան և Ստեփանակերտն են». ԱՄՆ պետքարտուղար Մայք Պոմպեո

Զոհրաբ Մնացականյանը հանդիպում է ԵԱՀԿ ՄԽ համանախագահներ Իգոր Պոպովի, Էնդրյու Շոֆերի և ԵԱՀԿ գործող նախագահի անձնական ներկայացուցչի հետ: Հեռահար ձևաչափով նրանց միանում է ֆրանսիացի համանախագահ Ստեֆան Վիսկոնտին:

Ադրբեջանը հարված է հասցնում ՀՀ տարածքում տեղակայված հրթիռային համակարգին:

ՌԴ պաշտպանության նախարար Սերգեյ Շոյգուն հեռախոսային բանակցություններ է ունենում ՀՀ և Ադրբեջանի պաշտպանության նախարարների հետ՝  կոչ անելով լիարժեք կատարել Մոսկվայում ստանձնած՝ կրակի դադարեցման պարտավորությունները

ԱՄՆ նախագահի թեկնածու Ջո Բայդենը քննադատում է նախագահ Թրամփի քաղաքականությունը ԼՂ հակամարտության հարցում: Նա շարադրում է վարչակազմի գործողությունների իր տեսլականը հակամարտության այս փուլում: 

«Ադրբեջանն անմիջապես կխզի դիվանագիտական հարաբերությունները ցանկացած երկրի հետ, որը կճանաչի Լեռնային Ղարաբաղի անկախությունը». Իլհամ Ալիև

«Հակառակորդը, շարունակելով խախտել հումանիտար հրադադարը, թիրախավորել է հյուսիս-արևելյան ուղղությամբ տեղակայված հոսպիտալներից մեկը». ՊԲ

«ԼՂ հակամարտության հարցով ԱՄՆ հետ շփումները կշարունակվեն: Ես լիովին հնարավոր եմ համարում առերես շփումները՝ կախված տարածաշրջանում տիրող իրավիճակից, այդ թվում՝ ԱՄՆ-ում նախագահական ընտրություններից առաջ». ՌԴ ԱԳ նախարարի տեղակալ Սերգեյ Ռյաբկով

Վլադիմիր Պուտինը հեռախոսազրույց է ունեցել Ռեջեփ Թայիփ Էրդողանի հետ։ Պուտինն իր լուրջ մտահոգությունն է հայտնում ԼՂ-ում հակամարտությանը Մերձավոր Արևելքից գրոհայինների մասնակցության կապակցությամբ:

«ԱՀ տարածքից ելքը սահմանափակվել է զորահավաքային զորակոչի ենթակա ԱՀ քաղաքացիների համար և թույլատրվում է միայն հատուկ դեպքերում՝ պարետի կողմից տրված անցաթղթի առկայության դեպքում». Արայիկ Հարությունյան

«Թյուրքալեզու երկրները պետք է համերաշխություն ցուցաբերեն Ադրբեջանի հետ». Թուրքիայի արտգործնախարար Մևլութ Չավուշօղլու

Հումանիտար հրադադարի հերթական խախտումը գրանցվում է ժամը 19։00-ին։ Նշանակետում Մարտունու շրջանի Կարմիր Շուկա համայնքն է։ Ադրբեջանը «Սմերչի» կասետային ռումբերով հրթիռակոծում է համայնքը, նախնական տվյալներով զոհվում է մեկ խաղաղ բնակիչ։

Ալիևը հայտարարում է Ֆիզուլիի, Ջաբրայիլի և Հադրութի (Ուխտաձոր, Ջրակուս, Վարդաշատ, Քյուրաթաղ) շրջաններում գյուղերի գրավման մասին

«Մենք հուսով ենք, որ հայերը կկարողանան պաշտպանվել ադրբեջանցիների գործողություններից ու նրանք կհասնեն իրական հրադադարի, հետո կնստեն բանակցությունների սեղանի շուրջ և կփորձեն հասկանալ այդ պատմական և բարդ խնդիրը». ԱՄՆ պետքարտուղար Մայք Պոմպեո

«Թուրքական հռետորաբանությունը գնալով ավելի ռազմաշունչ է դառնում, և ԼՂ հակամարտությունը բնավ չի մեղմում այդ կեցվածքը». Եվրախորհրդարանի խոսնակ Դավիդ Սասսոլի

ՀՀ ՄԻՊ գրասենյակը մեղադրում է Ադրբեջանին ռազմագերիներին սպանելու և խոշտանգելու համար:

Զոհրաբ Մնացականյանի հետ զրույցում ՄԱԿ Գլխավոր քարտուղար Անտոնիո Գուտերեշը ընդգծում է ռազմական գործողությունների անհապաղ դադարեցման և խնդրի կարգավորման շուրջ բանակցությունների վերսկսման կարևորությունը:

Գիշերը՝ հատկապես լուսադեմին, ադրբեջանական բանակը հրետանու կիրառմամբ ինտենսիվ կրակ է բացում Մարտունի քաղաքի և Կ.Շուկա բնակավայրի ուղղությամբ, իսկ առավոտյան՝ Բերդաշեն համայնքի ուղղությամբ։ Հրետակոծվում են Հադրութի շրջանի Տող, Քաշաթաղի շրջանի Տիգրանավան, Այգեհովիտ և Աղավնո բնակավայրերը։ 

Հայաստան է այցելում Հունաստանի ԱԳ նախարար Նիկոս Դենդիասը: 

Ադրբեջանի ՊՆ-ն Հադրութի գրավումն ապացուցող տեսանյութ է հրապարկում:

Իլհամ Ալիևը հայտարարում է 3 նոր գյուղի՝ Սառնաղբյուրի (Ասկերանի շրջան), Հարթաշենի ու Ծաղկավանք (Հադրութի շրջան), գրավման մասին:

«Մենք դատապարտում ենք քաղաքացիական բնակավայրերի շարունակվող գնդակոծությունները և անհանգստացած ենք քաղաքացիական բնակչության շրջանում զոհերի մասին հաղորդումներով». Միացյալ Թագավորության պատվիրակության ղեկավարի տեղակալ

««Անջատում հանուն փրկության» սկզբունքը պիտի դրվի Ղարաբաղի հարցի կարգավորման մեր հայեցակարգի հիմքում»․ Նիկոլ Փաշինյան

Սյունիքի մարզի Կապան քաղաքում հայտարարվում է օդային տագնապ. ՀՀ ԱԻՆ

«Խորապես մտահոգված եմ Հայաստանի և Ադրբեջանի միջև ռազմական գործողությունների էսկալացիայով». Դանիայի արտաքին գործերի նախարար

«Մենք չենք ողջունում հակամարտության միջազգայնացումը։ Մենք կարծում ենք, որ երրորդ կողմերը պետք է մի կողմ քաշվեն». ԱՄՆ պետքարտուղար Մայք Պոմպեո

«Կարմիր գիծը հատվել է, ինչն անընդունելի է: Ես ՆԱՏՕ-ի բոլոր գործընկերներին հորդորում եմ առերեսվել ՆԱՏՕ-ի անդամի վարքագծին»․ Մակրոն

«Թուրքիան նպատակ ունի էլ ավելի բորբոքել հակամարտությունը ԼՂ-ում։ Անկարայի գործողություններն ամենուր հանգեցնում են լարվածության աճի և կրոնական հակասությունների սրման». Սիրիայի ԱԳՆ

Կրկին հրետակոծվում են Ստեփանակերտը և Հադրութը:

Փոխվարչապետ, ՀՀ և ՌԴ միջև տնտեսական համագործակցության միջկառավարական հանձնաժողովի համանախագահ Մհեր Գրիգորյանը ժամանում է Մոսկվա: 

«Լրագրողները ռազմական թիրախ չեն». «Լրագրողներ առանց սահմանների» կազմակերպությունը Բաքվից պարզաբանում է պահանջում:

ՌԴ անվտանգության խորհրդի քարտուղար Նիկոլայ Պատրուշևը Ժնևում հանդիպում է ԱՄՆ նախագահի խորհրդական Ռոբերտ Օ’Բրայանի հետ։ Բանակցությունների ընթացքում այլ հարցերի հետ քննարկվում է իրավիճակը Լեռնային Ղարաբաղում։

«Ուկրաինան ռազմական օգնություն չի ցուցաբերի ԼՂ հակամարտության կողմերից որևէ մեկին». Ուկրաինայի նախագահ Վլադիմիր Զելենսկի: 

Նիկոլ Փաշինյանը հերթական հեռախոսազրույցն է ունենում Էմանուել Մակրոնի հետ: 

«Հայաստանը շահագրգռված չէ բանակցությունների միջոցով հակամարտության լուծմամբ և փորձում է բռնակցել օկուպացված տարածքները». Ադրբեջանի ԱԳՆ:

ՄԱԿ գլխավոր քարտուղարը համոզված է՝ հակամարտությունը ռազմական լուծում չունի: 

ԱՀ նախագահ Արայիկ Հարությունյանը հատուկ նշանակության ստորաբաժանումների հետ մեկնում է առաջնագիծ՝ կոչ անելով բոլորին անհապաղ ոտքի կանգնել:

Արցախի պաշտպանության բանակը հայտնում է 51 նոր զոհի մասին: 

ՀՀ քաղաքացիներին ուղերձով է դիմում վարչապետ ՆԻկոլ Փաշինյանը:

Իլհամ Ալիևը Թվիթերում հայտնում է Մատաղիսը գրավելու մասին:

Ուշ երեկոյան Իլհամ Ալիևը հայտնում է նոր գյուղերի գրավման մասին, այդ թվում՝ Թալիշի, ինչպես նաև Մեխակավանի (Ջաբրայիլ) շրջակա 5 գյուղերի, Վարանդայի (Ֆիզուլի) շրջակա 1 գյուղի մասին:

ՊԲ-ն հայտնում է, որ գիշերվա ընթացքում հակամարտության գոտում իրադրությունը եղել է հարաբերական կայուն-լարված, հատկապես լարված՝ հարավային ուղղությամբ:

Ադրբեջանը հայտնում է, որ Հայաստանի տարածքից կրակի տակ է առնված Գյանջա քաղաքը: Հայաստանի իշխանությունները հերքում են այդ տեղեկությունը:

Տեղում աշխատող ռուսաստանցի լրագրողները հերքում են Պողոսյանին: 

Իլհամ Ալիևը հայտնում է Մեխակավանի (Ջաբրայիլ) գրավման մասին: 

Ադրբեջանական կողմի հրետակոծությունների արդյունքում Ստեփանակերտում և Շուշիում կան մարդկային կորուստներ քաղաքացիական անձանց թվում:

ՀՀ նախագահը Բելառուսի նախագահի հետ հեռախոսազրույցում տեղեկացնում է Արցախի դեմ Ադրբեջանի ագրեսիայի հետևանքով ստեղծված իրադրության վերաբերյալ: 

Ադրբեջանը մեծ ինտենսիվությամբ հրթիռային հարվածներ է հասցնում Ստեփանակերտին: Միաժամանակ, վերսկսվում են հարձակողական գործողությունները ճակատի հարավային ուղղությամբ։ Ընթանում են թեժ մարտեր։

Շվեդիայի ԱԳ նախարարը կոչ է անում ՀՀ-ին ու Ադրբեջանին վերադառնալ բանակցությունների։

ՌԴ նախագահ Վլադիմիր Պուտինն առայժմ չի նախատեսում շփումներ ադրբեջանցի և թուրք պաշտոնակիցների հետ, բայց պատրաստ է անհրաժեշտության դեպքում նրանց հետ քննարկել ԼՂ շուրջ ստեղծված իրավիճակը։

Նիկոլ Փաշինյանը 1 տարվա ընթացքում զորացրվածներին կոչ է անում զինվորագրվել:

«Թուրքիան անպայման պետք է ներկա լինի ղարաբաղյան հակամարտության կարգավորման գործընթացում». Իլհամ Ալիև

Իրանը հայտարարում է, որ Ղարաբաղյան հակամարտության լուծման ծրագիր է նախապատրաստում: 

Արցախի ԱԳ նախարար Մասիս Մայիլյանը նամակ է հղում ԵԽ գլխավոր քարտուղարին։

ՌԴ-ն պատրաստ է Մոսկվայում կազմակերպել ԵԱՀԿ ՄԽ համանախագահների մասնակցությամբ Ադրբեջանի և Հայաստանի արտգործնախարարների հանդիպումը:

«Գիշերը սահմանին համեմատաբար հանգիստ է անցել». Շուշան Ստեփանյան:

«Որևէ բացատրություն չի կարող ունենալ այն, որ Կանադան արգելում է ՆԱՏՕ-ի դաշնակից երկրին ռազմարդյունաբերական ապրանքների վաճառքը, երբ որևէ խոչընդոտ չէր տեսնում Եմենում ճգնաժամին մասնակից երկրներին զենք վաճառելու մեջ». Թուրքիայի արտգործնախարարություն

«Մենք մանրամասն ծանոթանում ենք բոլոր երկրների ղեկավարների հայտարարություններին». Կրեմլի արձագանքը Բաշար Ասադի հայտարարությանը

Ադրբեջանի պաշտպանության նախարար Զաքիր Հասանովը հանձնարարում է շարունակել «հակահարձակումը» Ղարաբաղյան հակամարտության գոտում։

Հրթիռակոծվում է Ստեփանակերտը:

«Մեր սահմանների անվտանգությունը կենսական կարևորություն ունի մեզ համար: Ցանկացած տիպի հարձակում մեզ համար անընդունելի է, և եթե այդ քայլերը կրկնվեն, մենք զգուշացումներից բացի կանցնենք առավել կոշտ միջոցների». Իրանի պաշտպանության նախարար, գեներալ Ամիր Հաթամի

«Վարչապետ Նիկոլ Փաշինյանի և բանակի հրամկազմի հետ քննարկել ենք ստեղծված օպերատիվ վիճակը և տարածաշրջանում ծայր առնող ահաբեկչական նոր օջախի ոչնչացման ծրագիրը». ԱՀ նախագահ Արայիկ Հարությունյան 

«ՌԴ ջանքերը կենտրոնացած են ԼՂ հակամարտության գոտում կրակը դադարեցնելու և խնդրի կարգավորման քաղաքական և դիվանագիտական գործընթացը սկսելու վրա». Կրեմլի խոսնակ

«Մենք բոլոր կողմերին կոչ ենք անում պաշտպանել խաղաղ բնակչությանը և քաղաքացիական ենթակառուցվածքները հետագա վնասներից՝ միջազգային և մարդասիրական իրավունքին համապատասխան». ՅՈՒՆԻՍԵՖ

Հրթիռակոծվում են Շուշին և Ստեփանակերտը:

«Արցախի միջազգային ճանաչումը տարածաշրջանում խաղաղության և անվտանգության ապահովման ամենաարդյունավետ միջոցն է»․ ԱՀ ԱԳՆ

«Գիշերվա ընթացքում հակառակորդը փորձել է առաջանալ և ամրանալ հարավարևելյան ուղղությամբ (Ջաբրայիլ չհասած), սակայն հայկական զինված ուժերի հրթիռահրետանային դիպուկ կրակով ադրբեջանական ստորաբաժանումները խոցվել են». Շուշան Ստեփանյան

«Հայաստանի և Ադրբեջանի ռազմական ուժերի միջև զինված առճակատման վատթարացման հետևանքով Ուրուգվայի կառավարությունը ևս մեկ անգամ իր մտահոգությունն է հայտնում տարածաշրջանում ապակայունացման ռիսկի վերաբերյալ և իր համերաշխությունն է հայտնում այդ գործողությունների ընթացքում տուժածներին և զոհերի ընտանիքներին». Ուրուգվայի կառավարություն

«Ողբերգություն է, մենք շատ անհանգստացած ենք, որովհետև թե՛ Ադրբեջանը, թե՛ Հայաստանը, թե՛ Լեռնային Ղարաբաղը տարածքներ են, որտեղ ապրում են մեզ համար ոչ օտար մարդիկ: Բավական է միայն ասել, որ մեզ մոտ՝ Ռուսաստանում, ապրում է շուրջ 2 մլն Ադրբեջանցի և մեր հաշվարկներով՝ 2 մլն-ից ավելի հայ: … Հայաստանը ՀԱՊԿ-ի անդամ է, և Ռուսաստանը նրա նկատմամբ «որոշակի պարտավորություններ» ունի: Բայց մարտերը Հայաստանի տարածքում չեն ընթանում»․ ՌԴ նախագահ Վլադիմիր Պուտին:

«Եթե Ադրբեջանը պատերազմական գործողությունների դադարեցման պատրաստակամություն չհայտնի, ԵՄ-ն կմեծացնի նրա վրա ճնշումը». Գերմանիայի արտգործնախարար

Վարչապետ Փաշինյանը հեռախոսազրույց է ունենում ՌԴ նախագահ Վլադիմիր Պուտինի հետ և շնորհավորում նրան ծննդյան տարեդարձի կապակցությամբ: Քննարկվում է իրավիճակը ԼՂ-ում:

Բելառուսի նախագահ Ալեքսանդր Լուկաշենկոն Վլադիմիր Պուտինի հետ հեռախոսազրույցում քննարկել է իրավիճակը ԼՂ-ում: 

ՌԴ պաշտպանության նախարար Սերգեյ Շոյգուն հեռախոսային բանակցություններ է վարել Հայաստանի և Ադրբեջանի Պաշտպանության նախարարների հետ:

Գերմանիայի և Ադրբեջանի ԱԳ նախարարները հեռախոսով քննարկում են ԼՂ իրավիճակը: 

Աշխատանքից ազատվում է ԱԱԾ տնօրեն Արգիշտի Քյարամյանը:

Ադրբեջանը հարվածում է Շուշիի Ղազանչեցոց եկեղեցուն, որը զգալիորեն վնասվում է:

«Ադրբեջանն է նախաձեռնել կոնֆլիկտը». Ֆրանսիայի ԱԳ նախարար Ժան Իվ Լը Դրիան

«ՀԱՊԿ-ն ռազմական օգնություն կտրամադրի ՀՀ-ին երկրի տարածքային ամբողջականությանը ռեալ սպառնալիքի դեպքում». ՀԱՊԿ գլխավոր քարտուղար

ՌԴ վարչապետն Ադրբեջանի վարչապետի հետ ունեցած հեռախոսազրույցում ընդգծել է ԼՂ հակամարտության գոտում իրավիճակի շուտափույթ կայունացման, ռազմական գործողությունների դադարեցման և բանակցությունների վերսկսման անհրաժեշտությունը:

ՄԽ համանախագահների միջնորդությամբ ԼՂ հարցով խորհրդակցություն իրականացնելու նպատակով հոկտեմբերի 9-ին Հայաստանի և Ադրբեջանի արտգործնախարարները հրավիրվում են Մոսկվա:

Նիկոլ Փաշինյանը հերթական հեռախոսազրույցն է ունենում Էմանուել Մակրոնի հետ։ 

Երևանում տեղի է ունենում Եվրասիական միջկառավարական խորհրդի նիստը:

Իլհամ Ալիևը հատուկ ուղերձով հայտարարում է, որ ադրբեջանական ուժերը գրավել են Հադրութը և մի շարք գյուղեր: 

«Կոմսոմոլսկայա պրավդայի» թղթակից Ալեքսանդր Կոցը նույնպես հաստատում է, որ Հադրութ քաղաքը դեռ գտնվում է հայկական վերահսկողության ներքո: 

Իլհամ Ալիևը և Էմանուել Մակրոնը հեռախոսազրույց են ունենում:

Կանադայի արտգործնախարարը թուրք գործընկերոջ հետ հեռախոսազրույցում կոչ է անում Անկարային չմիջամտել ղարաբաղյան խնդրին:

«ՌԴ, ՀՀ և Ադրբեջանի ԱԳ նախարարների հայտարարությունից հետո հարավային ուղղությամբ հակառակորդի կողմից ուժգնացել է ԱԹՍ-ի օգտագործումը». ՊԲ

«Ադրբեջանի զինված ուժերը կրակի տակ են պահում Հադրութ քաղաքը». Շուշան Ստեփանյան

ԵԱՀԿ նախագահը ողջունում է ԼՂ-ում մարդասիրական հրադադարի հաստատումը:

Ֆրանսիան ողջունում է ԼՂ-ում հրադադար հաստատելու շուրջ Հայաստանի և Ադրբեջանի միջև ձեռք բերված համաձայնությունը

«Նախքան հումանիտար հրադադարի հաստատումը, ադրբեջանական կողմը դիվերսիոն-հետախուզական ներթափանցման փորձ է ձեռնարկել Հադրութի ուղղությամբ». ՊԲ

«Ադրբեջանը ևս մեկ անգամ ապացուցեց, որ հանդիսանում է վտարյալ պետություն, որը չի կատարում իր պարտավորություններն անգամ 5 րոպե». Արցախի ԱԳՆ

«Քիչ առաջ վերադարձա Հադրութ քաղաքից։ Ինչպես գիտեք, թշնամին, անտեսելով հումանիտար հրադադարի մասին պայմանավորվածությունը, դիվերսիոն հարձակում էր գործել շրջկենտրոնի ուղղությամբ։ Իրավիճակն այս պահին լրիվությամբ գտնվում է Պաշտպանության բանակի վերահսկողության տակ». Արայիկ Հարությունյան

«Ֆրանսիան խախտել է չեզոքության սկզբունքը». Ադրբեջանի ԱԳ նախարար Ջեյհուն Բայրամով

«Միացյալ Նահանգները պետք է ճնշում գործադրի, որ հրադադարի գծի երկայնքով ավելի շատ դիտորդներ տեղակայվեն, և կոչ անի Ռուսաստանին դադարեցնել ցինիկորեն զենք տրամադրելը երկու կողմերին». Ջո Բայդեն

ՄԽ համանախագահներն աշխատում են կողմերի հետ կրակի դադարեցման հստակ պարամետրերը համաձայնեցնելու շուրջ։

ՄԱԿ գլխավոր քարտուղարը կոչ է անում Երևանին ու Բաքվին հետևել հրադադարի ռեժիմին ու շուտափույթ համաձայնության գալ զինադադարի մանրամասների շուրջ։

Հրթիռակոծվում է Ստեփանակերտը:

Ստեփանակերտը և Շուշին հրթիռակոծվում են:

Թուրքական կողմի նախաձեռնությամբ հեռախոսազրույց է տեղի ունենում ԱԳ նախարարներ Սերգեյ Լավրովի և Մևլութ Չավուշօղլուի միջև: 

«Թեև հրադադարը չափազանց փխրուն է թվում, կոչ եմ անում պահպանել այն». Հռոմի Ֆրանցիսկոս պապ

Ադրբեջանական զինված ուժերը հարավային ուղղությամբ ձեռնարկում են գրոհներ՝ կիրառելով զրահատեխնիկա և հրթիռահրետանային միջոցներ. Շուշան Ստեփանյան

Նիկոլ Փաշինյանը հերթական հեռախոսազրույցն է ունենում Գերմանիայի կանցլերի հետ: