- 26 Մայիսի, 2026
- Հաղորդագրություններ
Մայիսի 22-ին Հայաստանի ազգային պոլիտեխնիկական համալսարանի Կապանի մասնաճյուղում տեղի ունեցավ «Իրազեկ քաղաքացիների միավորման» նախաձեռնած ուսանողական հանդիպումների և քննարկումների շարքի եզրափակիչ հանդիպումը։
Հանդիպման առանցքային թեման ապատեղեկատվությունն ու հիբրիդային սպառնալիքներն էին, դրանց գործիքակազմը, դրսևորման առանձնահատկություններն ու ազդեցությունը քաղաքական և հասարակական գործընթացների վրա։ Բանախոսներն էին «Հայկական խորհուրդ» ՀԿ-ի փորձագետներ Սամվել Մելիքսեթյանը և Ռոբերտ Ղևոնդյանը:
Քննարկման ընթացքում անդրադարձ կատարվեց հիբրիդային սպառնալիքների տարբեր մեխանիզմներին, տեղեկատվական ազդեցության ձևերին և դրանց հետևանքներին: Ներկայացվեցին նաև տարբեր երկրների փորձն ու իրական օրինակներ։
Հանդիպումն անցավ ակտիվ հարցուպատասխանի և խաղ-քննարկման ձևաչափով, որի ընթացքում ուսանողները հնարավորություն ունեցան վերլուծելու տարբեր սցենարներ, արտահայտելու իրենց դիտարկումները և կիրառելու ձեռք բերած գիտելիքները։
Կապանում կայացած այս հանդիպմամբ ամփոփվեց ուսանողների հետ քննարկումների շարքը, որի նպատակն էր նպաստել մեդիագրագիտության, քննադատական մտածողության և ժամանակակից տեղեկատվական սպառնալիքների ճանաչման կարողությունների զարգացմանը։
Սույն ծրագիրն իրականացվում է Ժողովրդավարության զարգացման հիմնադրամի աջակցությամբ՝ որպես «Գործընկերություն հանուն ժողովրդավարության» նախաձեռնության մաս:
Առնչվող
Պարզաբանում Յոհաննես Հանի հայտարարության հետ կապված
Որևէ մեկն ինձ չի կարող համոզել, որ ապօրինի հարստացած պաշտոնայներ չունենք. Դանիել Իոաննիսյան
Կայացավ «Արտաքին քաղաքականությունը և լուսաբանում․ ԵԱՏՄ տնտեսական մարտահրավերները» սեմինարը
Արցախի ԱԳՆ ղեկավարն ընդունել է «Իրազեկ քաղաքացիների միավորում» հասարակական կազմակերպության պատվիրակությանը