Դասընթաց՝ պետական գնումների վերահսկման գործընթացում քաղաքացիների մասնակցության և ոլորտում առկա խնդիրների վերաբերյալ

«Իրազեկ քաղաքացիների միավորում» ՀԿ-ն և «Ռեստարտ» քաղաքացիական երիտասարդական հիմնադրամը «Պետական գնումների հանրային վերահսկողության և հաշվետվողականության խթանում» ծրագրի շրջանակներում փետրվարի 8-ին կազմակերպել էին դասընթաց՝ պետական գնումների վերահսկման գործընթացում քաղաքացիների մասնակցության և ոլորտում առկա խնդիրների վերաբերյալ։

Ծրագիրն իրականացվում է Միացյալ Թագավորության միջազգային զարգացման աջակցության շրջանակում ՄԹ կառավարության աջակցությամբ։ Ծրագիրը միտված է ՀՀ-ում պետական գնումների համակարգի նկատմամբ հանրային վերահսկողության ուժեղացմանը և պետական գնումների թափանցիկության և հաշվետվողականության խթանմանը։

Դասընթացին մասնակցեցին 17-30 տարեկան երիտասարդներ, որոնք կարևորում են պետական գնումների ոլորտում քաղաքացիական մասնակցությունը, ինչպես նաև ցանկանում են հետագայում իրենց դերն ունենալ պետական գնումների վերահսկման գործընթացում։

Բանախոսությամբ հանդես եկան ՀՀ Ֆինանսների փոխնախարար Ավագ Ավանեսյանը, Քաղաքաշինության կոմիտեի նախագահ Եղիազար Վարդանյանը և «Հայաստանի տեղեկատվական համակարգերի գործակալություն» հիմնադրամի տնօրեն Ներսես Երիցյանը։

Դասընթացին մասնակցած 4 երիտասարդներ հնարավորություն կունենան անցնել վճարովի ուսումնառություն «Իրազեկ քաղաքացիների միավորում» ՀԿ-ում։ Ուսումնառուները 5 ամիս կուսումնասիրեն պետական գնումների ոլորտը, կկատարեն դաշտային և հետազոտական աշխատանք, որը հնարավորություն կտա ձեռք բերելու աշխատանքային փորձ պետական գնումների ոլորտում։

DSC06604 copy

DSC06599 copy

DSC06586 copy

DSC06583 copy

DSC06580 copy

DSC06576 copy

DSC06571 copy

DSC06569 copy