«Փաստերի ստուգման հարթակը» (Fip.am) դարձել է Փաստերի ստուգման միջազգային ցանցի (IFCN) անդամ

«Փաստերի ստուգման հարթակը» դարձել է Փաստերի ստուգման միջազգային ցանցի (International Fact-Checking Network, IFCN) անդամ՝ միանալով լրագրողական բարձր արժեքները պաշտպանող գլոբալ համայնքին։

IFCN-ն ամերիկյան Poynter լրագրության ինստիտուտի նախաձեռնությունն է, որը, միավորելով տարբեր երկրներում գործող լրագրողական կազմակերպությունների, նպաստում է փաստերի ստուգման լրագրության զարգացմանն ու ապատեղեկատվության դեմ արդյունավետ պայքարին։

Ցանցին անդամակցությունը ոչ միայն բարձր գնահատական է FIP.am-ի աշխատանքին, այլև աշխարհի լավագույն փաստերի ստուգման կազմակերպությունների հետ համագործակցության հնարավորություն՝ բարձրացնելու տեղեկատվության վստահելիությունը Հայաստանում և նրա սահմաններից դուրս։