- 27 Ապրիլի, 2026
- Հաղորդագրություններ
Ապրիլի 23-ին կայացավ «Իրազեկ քաղաքացիների միավորման» նախաձեռնած՝ ուսանողների հետ քննարկումների շարքի հերթական հանդիպումը՝ Հայաստանի ազգային պոլիտեխնիկական համալսարանի Վանաձորի մասնաճյուղում։
Քննարկումների շարքի առանցքային թեման ապատեղեկատվությունն է, հիբրիդային սպառնալիքները, դրանց գործիքակազմը, դրսևորման առանձնահատկությունները և ազդեցությունը քաղաքական ու հասարակական գործընթացների վրա: Բանախոսներն էին «Հայկական խորհուրդ» ՀԿ-ի նախագահ Արեգ Քոչինյանը և փորձագետ Էդգար Վարդանյանը:
Քննարկումն ուղեկցվեց ակտիվ երկխոսությամբ և հարցուպատասխանով։ Մասնակիցները հնարավորություն ունեցան բարձրացնել իրենց հուզող հարցերը և ստանալ սպառիչ փորձագիտական պատասխաններ: Հանդիպման գործնական փուլում տեղի ունեցավ խաղ-քննարկում. ուսանողները, հիմնվելով ստացված տեսական գիտելիքների վրա, մոդելավորեցին հիբրիդային սպառնալիքների հավանական սցենարներ:
Սույն ծրագիրն իրականացվում է Ժողովրդավարության զարգացման հիմնադրամի աջակցությամբ՝ որպես «Գործընկերություն հանուն ժողովրդավարության» նախաձեռնության մաս:
Առնչվող
Սեմինար լրագրողների համար. Ինչ արժե իմանալ ԵՏՄ-ի մասին
Սեմինար Վայքում «Եվրասիական միությանը անդամակցության առաջին պտուղները»
Պարզաբանում Յոհաննես Հանի հայտարարության հետ կապված
Կայացավ «Արտաքին քաղաքականություն և լուսաբանում․ խաղաղության հնարավորությունները փոփոխվող աշխարհակարգում» խորագրով սեմինար-քննարկումը