«Անկախ դիտորդ» հասարակական դաշինքը դիտարկելու է առաջիկա ՏԻՄ ընտրությունները

Sorry, this entry is only available in Armenian.

«Անկախ դիտորդ» հասարակական դաշինքը դիտարկելու է 2021 թ․ նոյեմբերի 14-ին Կապան, Իջևան, Ստեփանավան, Լերմոնտովո և Արզնի համայնքներում կայանալիք տեղական ինքնակառավարման մարմինների ընտրությունները։

Քվեարկության օրը ընտրությունների ընթացքին հետևելու են ընդհանուր 88 դիտորդներ․ 33 ընտրատեղամասերում՝ 62 դիտորդ, 3 Ընտրատարածքային ընտրական հանձնաժողովներում՝ 6 դիտորդ և 10 շրջիկ խմբերով 20 դիտորդ:

«Անկախ դիտորդ» հասարակական դաշինքն իրականացրել է նաև երկարաժամկետ դիտորդություն։ Նախընտրական քարոզչության ընթացքը դիտարկել են 12 երկարաժամկետ դիտորդներ։

Առաջիկա ՏԻՄ ընտրությունների դիտարկման համար հոկտեմբերին Երևան քաղաքում անցկացվեցին դասընթացավարների և երկարաժամկետ դիտորդների վերապատրաստման դասընթացներ։ Քվեարկության օրվա դիտորդության նախապատրաստման համար Կապան, Վանաձոր և Իջևան համայնքներում իրականացվեցին կարճաժամկետ դիտորդների վերապատրաստման դասընթացներ։

Քվեարկության օրը՝ նոյեմբերի 14-ին, «Անկախ դիտորդի» առաքելության շտաբները գործելու են Վանաձորում՝ Հելսինկյան քաղաքացիական ասամբլեայի Վանաձորի գրասենյակում, Տիգրան Մեծի 59  հասցեում, և Կապանում՝ «Դարիստ» հյուրանոցում՝ Արամ Մանուկյան 1ա հասցեում:

Քվեարկության օրվա ընթացքում դիտորդական առաքելությունը հանդես է գալու առցանց տեսաասուլիսներով՝ ժամը 12:00-ին և 18:00-ին՝ Կապանից, Վանաձորից և Ստեփանավանից: Բացի դրանից, ըստ անհրաժեշտության, «Անկախ դիտորդը» քվեարկության օրվա ընթացքում հանդես կգա այլ լրացուցիչ հաղորդագրություններով և ասուլիսներով:

Ասուլիսները հեռարձակվելու են Facebook-ում՝ առաքելության պաշտոնական էջի միջոցով:

«Ընտրություններ բոլորի համար 2021 – տեղական դիտորդություն և քաղաքացիական հասարակության կողմից քաղաքացիների իրավազորում» ծրագիրն իրականացվում է ՕքսԵՋեն հիմնադրամի, Հելսինկյան քաղաքացիական ասամբլեայի Վանաձորի գրասենյակի, «Իրազեկ քաղաքացիների միավորում» ՀԿ-ի և Քաղաքական դասընթացների երևանյան դպրոցի հետ համատեղ:

Ծրագիրը ֆինանսավորվում է Եվրոպական միության կողմից: 

«Անկախ դիտորդ» հասարակական դաշինքը դիտորդություն է իրականացնում հետևյալ անդամ և գործընկեր կառույցների հետ 

Հելսինկյան քաղաքացիական ասամբլեայի Վանաձորի գրասենյակ ՀԿ

«Իրազեկ քաղաքացիների միավորում» ՀԿ

«Գյումրու առաջընթաց» ՔՀԶԿ

«Կանանց իրավունքների տուն» ՀԿ

«Գյումրու ռեստարտ նախաձեռնությունների կենտրոն» ՀԿ

«Ուղղակի ժողովրդավարություն» ՀԿ

«Գորիսի մամուլի ակումբ» ՀԿ

Հրապարակումը պատրաստվել է Եվրոպական միության ֆինանսական աջակցությամբ: Հրապարակման բովանդակության համար պատասխանատու է «Անկախ դիտորդ» հասարակական դաշինքը և այն պարտադիր չէ, որ արտացոլի Եվրոպական միության տեսակետները:

Related Posts: