- 2 Հունիսի, 2021
- Հաղորդագրություններ
Այսօր՝ հունիսի 2-ին, Մեդիա կենտրոնում տեղի ունեցավ ԱՄՆ դեսպանատան աջակցությամբ «Իրազեկ քաղաքացիների միավորման» ստեղծած Reforms.am կայքի շնորհանդես-ասուլիսը։
Reforms.am-ը տեղեկատվական հարթակ է Հայաստանում տարբեր ոլորտներում իրականացվող բարեփոխումների բովանդակության և ընթացքի մասին։
Միջոցառմանը ելույթներով են հանդես եկել և լրագրողների հարցերին պատասխանել ԱՄՆ ՄԶԳ/Հայաստանի (USAID Armenia) տնօրեն Ջոն Ալեյոն, ՀՀ արդարադատության նախարարի առաջին տեղակալ Քրիստինե Գրիգորյանը և «Իրազեկ քաղաքացիների միավորման» ծրագրերի համակարգող Դանիել Իոաննիսյանը։
Մասնավորապես, ողջունելով Reforms.am-ի նախաձեռնությունը՝ Ջոն Ալեյոն կարևորեց ժողովրդավարության կայացման գործում քաղաքացիների դերակատարումը, որի համար անհրաժեշտ է, որ քաղաքացիները իրազեկված լինեն կառավարության կողմից իրականացվող բարեփոխումների մասին։
Քրիստինե Գրիգորյանը, իր հերթին, նշեց, որ նախաձեռնությունը կարևոր է քաղաքացիների իրազեկվածության բարձրացման և բարեփոխումների իրականացման նկատմամբ քաղաքացիական վերահսկողության առումներով։
«Հայաստանում տարիներ շարունակ տեղի են ունենում բարեփոխումներ, բայց հանրության լայն շերտեր այդքան էլ տեղյակ չեն, թե ինչն է փոխվում, և որպեսզի հանրության համար առավել հասկանալի դարձնենք բարեփոխումները, 2 տարի առաջ ծագեց համապատասխան կայք ստեղծելու գաղափարը»,- իր խոսքում նշեց ԻՔՄ ծրագրերի համակարգող Դանիել Իոաննիսյանը։
Միջոցառման մասին ավելի մանրամասն՝ այստեղ։
Առնչվող
Տեղի ունեցավ ճանաչողական այց ոստիկանության ակադեմիա՝ ՇՊՀ ուսանողների համար
«Անկախ դիտորդ» հասարակական դաշինքը դիտարկելու է առաջիկա ՏԻՄ ընտրությունները
Քննարկում դատաիրավական բարեփոխումների և Հակակոռուպցիոն կոմիտեի գործունեության վերաբերյալ
Ալիևը պարգևատրում է իր զինվորներին խոշտանգումների համար․ Դանիել Իոաննիսյանը՝ ԵԱՀԿ-ում