Տավուշի մարզում տեղի ունեցան հանրային քննարկումներ ոստիկանության բարեփոխումների և Պարեկային ծառայության՝ Հայաստանի մարզերում ներդրման վերաբերյալ

Մարտի 30-ին Տավուշի մարզի Բերդ և Իջևան քաղաքներում տեղի ունեցան հանրային քննարկումներ ոստիկանության բարեփոխումների և Պարեկային ծառայության՝ Հայաստանի Հանրապետության մարզերում ներդրման վերաբերյալ:

Բերդ քաղաքում քննարկումը տեղի ունեցավ տեղի Պետական բազմագործառութային քոլեջում, իսկ Իջևանում՝ «Ռեստարտ Իջևան» գիտակրթական ՀԿ գրասենյակում:

Հանդիպմանը մասնակցող ուսանողները հնարավորություն ունեցան ուղղել ոստիկանության և Պարեկային ծառայության վերաբերյալ իրենց հետաքրքրող հարցերը Ոստիկանության բարեփոխումների աշխատանքային խմբի անդամ, «Իրազեկ քաղաքացիների միավորում» ՀԿ ներկայացուցիչ Արտաշես Սերգոյանին, ոստիկանության կադրային քաղաքականության և ռեզերվի կառավարման վարչության պետի տեղակալ ոստիկանության փոխգնդապետ Վլադիմիր Մինասյանին և արդեն ծառայություն իրականացնող պարեկներին:

Նշենք, որ այս քննարկումները տեղի են ունենում Freedom House կազմակերպության աջակցությամբ և դրանց նպատակն է իրազեկել և մասնակից դարձնել ուսանողներին երկրում ընթացող կարևորագույն բարեփոխումներին:

Առնչվող

Սեմինար լրագրողների համար. Ինչ արժե իմանալ ԵՏՄ-ի մասին Սեմինար Վայքում «Եվրասիական միությանը անդամակցության առաջին պտուղները» Պարզաբանում Յոհաննես Հանի հայտարարության հետ կապված Որևէ մեկն ինձ չի կարող համոզել, որ ապօրինի հարստացած պաշտոնայներ չունենք. Դանիել Իոաննիսյան