Ճանաչողական այց Երևանի պետական համալսարանի Իջևանի մասնաճյուղի ուսանողների համար

«Իրազեկ քաղաքացիների միավորումը» հոկտեմբերի 16-ին կազմակերպեց Երևանի պետական համալսարանի Իջևանի մասնաճյուղի ուսանողների այցը ՀՀ կենտրոնական ընտրական հանձնաժողով:

Ուսանողներին ողջունեց հանձնաժողովի նախագահ Վահագն Հովակիմյանը՝ խոսելով հանձնաժողովի աշխատանքների մշտական բնույթի, կադրային հոսքի խնդրի և այլ հարցերի մասին, ողջույնի խոսք ունեցավ հանձնաժողովի անդամ Արուսյակ Տերչանյանը։

Հանդիպման հիմնական բանախոսն էր հանձնաժողովի քարտուղար Արմեն Սմբատյանը, որը պատկերավոր խոսեց ընտրական համակարգերի, մեծամասնական և համամասնական ընտրակարգերի տարատեսակների և դրանց հիմնական տարբերությունների, ՀՀ ընտրական համակարգի կառուցվածքի և ձևավորման կարգի, ընտրություններում վերահսկողության գործիքների, քարոզչության, ընտրական այլ գործընթացների, հասարակական ընկալումների և դրանց հիմնավորվածության մասին։

Այնուհետև Արմեն Սմբատյանը պատասխանեց ուսանողներին հետաքրքրող հարցերին։

Սույն ծրագրի շրջանակներում ուսանողների այցերը պետական ինստիտուտներ շարունակական են։

Միջոցառումների շարքն իրականացվում է Freedom House կազմակերպության  աջակցությամբ՝ «Հայաստանում ժողովրդավարական մշակույթի առաջմղում» ծրագրի շրջանակներում: