- 11 Սեպտեմբերի, 2026
- Հաղորդագրություններ
Սեպտեմբերի 2-4-ը «Իրազեկ քաղաքացիների միավորում» ՀԿ-ն անցկացրեց կազմակերպության ռազմավարության պլանավորման եռօրյա քննարկում՝ ամփոփելու մինչ այժմ իրականացված աշխատանքները և նախանշելու կազմակերպության հետագա գործունեության հիմնական ուղղությունները։
Եռօրյա հանդիպման ընթացքում անդրադարձ կատարվեց կազմակերպության ծրագրերին ու աշխատանքներին, արձանագրված ձեռքբերումներին և առկա մարտահրավերներին։ Քննարկվեցին ԻՔՄ-ի առաջնահերթությունները և առաջիկա տարիների գործունեության հիմնական ուղղությունները։
Մասնավորապես, վերահաստատվեց և լրացվեց կազմակերպության ռազամավարական նպատակների շարքը՝ հանրային իրազեկվածության և իրավագիտակցության բարձրացում, ՀՀ ժողովրդավարական մեխանիզմների և ինստիտուտների զարգացում, ժողովրդավարական կառավարման նկատմամբ հանրային պահանջարկի ձևավորում, ինչպես նաև կազմակերպության ինստիտուցիանալ ամրապնդում և աշխատակազմի կարողությունների շարունակական զարգացում։
Ռազմավարական պլանավորման արդյունքում վերահաստատվեց կազմակերպության հանձնառությունն առ տարիներ առաջ ձևակերպված տեսլականը՝ իրազեկ հասարակություն և կայուն ժողովրդավարություն:
Առնչվող
Կայացավ «Ընտրական կարգավորումներ և բարեփոխումներ» խորագրով սեմինար-քննարկումը
Ադրբեջանի ղեկավարությունը ցանկանո՞ւմ է խաղաղություն կառուցել․ Իոաննիսյանը՝ ԵԱՀԿ-ում
Կայացավ «Արտաքին քաղաքականություն և լուսաբանում․ Հայաստան-Ադրբեջան կայուն խաղաղության հեռանկարներն ու TRIPP-ը» խորագրով սեմինար-քննարկումը
«Իրազեկ քաղաքացիների միավորման» առաջարկը քվեաթերթիկի տեսանկարահանման քրեականացման վերաբերյալ