Հայերը ԼՂ-ից «իրե՞նց կամքով են հեռանում», թե՞ բռնի տեղահանվում են․ երկրների դիրքորոշումները

Sorry, this entry is only available in Armenian.

Արցախում սեպտեմբերի 19-ի ադրբեջանական հարձակմանը հաջորդեց բնակչության զանգվածային բռնի տեղահանումը։ Օրերի ընթացքում քաղաքացիական բնակչության ճնշող մեծամասնությունը լքեց Արցախը․ ըստ վերջին պաշտոնական տվյալների՝ Հայաստան բռնի տեղահանվեց 100,514 բնակիչ։

«Իրազեկ քաղաքացիների միավորումն» ամփոփել է հոկտեմբերի 2-ի դրությամբ միջազգային կառույցների ու երկրների արձագանքը Արցախի բնակչության ամբողջական տեղահանման վերաբերյալ։ Ամփոփվել է նաև բռնի տեղահանված արցախցիների կարիքների համար մարդասիրական օգնություն տրամադրած երկրների ցանկը։

Ովքեր են արձանագրել բռնի տեղահանության փաստը 

Մի շարք երկրներ ու կառույցներ, ի հեճուկս Բաքվի պնդումների, թե հայ բնակչությունը «սեփական կամքով է լքում» Լեռնային Ղարաբաղը, մի շարք երկրներ ու կառույցներ հրապարակայնորեն արձանագրել են բռնի տեղահանման փաստը։ Այդ երկրների թվում են բացառապես արևմտյան երկրները։

Ի տարբերություն վերջիններիս, պաշտոնական Մոսկվան կրկնել է Բաքվի թեզերը՝ պնդելով, թե հայերը ստիպողաբար չեն լքում Արցախը․ մասնավորապես, ՌԴ նախագահի մամուլի խոսնակ Պեսկովը սեպտեմբերի 28-ին հայտարարել է՝ Լեռնային Ղարաբաղից «հայերի զանգվածային արտագաղթի ուղղակի պատճառ չկա»։ 

Ինֆոգրաֆիկայում ներկայացված են ԼՂ հայերի բռնի տեղահանման փաստն արձանագրած երկրներն ու կառույցները։ 

Ինֆոգրաֆիկայում ներկայացված են ԼՂ-ից բռնի տեղահանվածների կարիքների համար հումանիտար օգնության ծավալները՝ ըստ երկրների։ 

Նանե Մանասյան 

«Իրազեկ քաղաքացիների միավորում»

Related Posts: