Հայտարարություն օգոստոսի 24-ին ոստիկանության ապօրինի գործողությունների մասին

Извините, этот текст доступен только на данных языках: “Армянский” и “Американский Английский”.

2022 թ. օգոստոսի 24-ին` ժամը 18:00-ին, մի խումբ ՀՀ և օտարերկրյա քաղաքացիներ կազմակերպել էին բողոքի ցույց Երևանի Ազատության հրապարակում: Բողոքի ցույցը հակապատերազմական էր (օգոստոսի 24-ին լրացավ Ուկրաինայում Ռուսաստանի սանձազերծած ագրեսիվ պատերազմի կես տարին)։

Ակցիայի առաջին իսկ րոպեներից կազմակերպիչներին բերման ենթարկեցին ՀՀ ոստիկանի համազգեստ հագած մարդիկ։ Այնուհետև սկսեցին բերման ենթարկել նաև շարքային մասնակիցներին։ Փաստացի, ՀՀ ոստիկանությունն առանց պարզաբանումների ձերբակալություններ է իրականացրել: Նախնական տվյալներով՝ 20 անձ բերման է ենթարկվել ոստիկանական բաժանմունք: Ձերբակալվածների մեջ է ռուս հայտնի բլոգեր Ալեքսեյ Ռոմանովը:  ՀՀ ոստիկանությունը չի թույլատրել անգամ բացել բողոքի պաստառները:

Մենք, այդպիսով, ականատես ենք լինում մեր երկրում հետադիմական և բռնատիրական երկրներում կիրառվող պրակտիկայի ներդրման:

Մենք՝ ներքոստորագրյալ կազմակերպություններս, խստորեն դատապարտում ենք ոստիկանության գործողությունները: Մարդու իրավունքները, հավաքների ազատությունը և խոսքի ազատությունը գերագույն արժեք պետք է լինեն Հայաստանում: Ոստիկանությունից պահանջում ենք անհապաղ ազատ արձակել ձերբակալվածներին և հրապարակային բացատրություն տալ այս ապօրինության համար:

«Գլոբալիզացիայի և տարածաշրջանային համագործակցության վերլուծական կենտրոն» ՀԿ

Ժուռնալիստների «Ասպարեզ» ակումբ

Հելսինկյան քաղաքացիական ասամբլեայի Վանաձորի գրասենյակ

«Ազատ քաղաքացի» քաղաքացիական նախաձեռնությունների աջակցման կենտրոն

«Իրազեկ քաղաքացիների միավորում» ՀԿ

«Հելսինկյան ասոցիացիա» իրավապաշտպան ՀԿ

Բաց հասարակության հիմնադրամներ-Հայաստան

Հանրային լրագրության ակումբ

«Հանուն հավասար իրավունքների» ՀԿ

«Իրավունքների պաշտպանություն առանց սահմանների» ՀԿ

Похожие записи: